Сцэнар апошняга званка - Апошні званок
Вясна. Добры дзень, дарагія сябры, настаўнікі, госці! Вы не пазналі мяне? Я вясна, якая 11 год праводзіла нашых выпускнікоў з класа ў клас, а сёння прыйшла правесці іх на вялікую дарогу жыцця, скончылася лесвіца класаў. І сёння яна абарвецца, як толькі загучыць ваш сумны апошні званок.
У складаны час, трывожны і цяжкі, мы праводзім вас са школьнага парога. Чалавеку сёння, як ніколі, не хапае дабрыні, любові, узаемапаразумення, павагі адзін да аднаго. Хацелася б верыць, што менавіта вы прынясеце ў свет дабрыню і веру, што самі будзеце шчаслівымі. Няхай усё добрае і цудоўнае асвечвае ваш шлях наперадзе.
Я запрашаю вас на развітанне з дзяцінствам. Хацелася ці не, але гэта здзейсніцца менавіта зараз. Давайце набярэмся мужнасці і крыху памаўчым, успомніўшы ўсё самае лепшае са школьнага жыцця.
(невялікая паўза).
Званок. Добры дзень! Прыйшоў мой час, ён не чакае, і я пачынаю апошнюю школьную лінейку. (кароткі званок).
Школа!
У гэтым слове, дарагім і блізкім,
Дзяцінства яснавокае жыве…
Школе пакланімся нізка-нізка
За дабрыню і цеплыню яе!
Вясна. Я, як гаспадыня сённяшняга свята, ваша школьная вясна, вазьму на сябе ролю вядучай, а дапамагаць мне будзе ваш добры сябар – званок. (званок кланяецца).
І адразу ж я хачу прадставіць слова чалавеку, ад якога ў школе ў многім залежыць “надвор’е” – дырэктару…
Званок. Адзінаццаць школьных гадоў праляцелі, як адно імгненне. А вы памятаеце той цудоўны восеньскі дзень, калі мамы вас першы раз прывялі ў першы клас і я абвясціў пачатак вашага першага ўрока.
Вясна. Якімі вы былі маленькімі і прыгожымі! Якімі доўгімі былі для вас урокі і як з цяжкасцю дацягваліся вы да дошкі! Паглядзіце ўважліва на нашых першакласнікаў. Ці не пазналі вы сябе?
Званок. А сустрэла вас ветлівай усмешкай ваша першая настаўніца – …
Мая Радзіма, першая настаўніца,
Ваш вобраз пранясу я праз жыццё
Мяне вы з мамай абудзілі раніцай,
Каб я сустрэў свой дзень як адкрыццё.
Вясна. Слова прадстаўляецца першай настаўніцы выпускнікоў 2000 года – … (Песня).
Званок. Дарагія выпускнікі! Кожны дзень у школе былі людзі, якія дзялілі з вамі радасць узлёту і горач падзення, перажывалі за вас, хваляваліся, і якія, паверце мне, будуць без вас сумаваць – вашы настаўнікі.
Вясна:
Настаўнік мой, ты мой прарочыў лёс,
Я першы верш свой да цябе прынёс,
І ты сардэчна шчасця зычыў мне,
Вучыў быць другам роднай старане.
Верш “Выкладчыцы роднае мовы”.
Вясна. Слова для віншавання прадстаўляецца класнаму кіраўніку нашых выпускнікоў – … Званок. Наша свята можна назваць сямейным. Па-першае, гэта ўрачыстасць нашай школьнай сям’і, а па-другое, тут настаўнічаюць людзі, якія прайшлі з нашымі выпускнікамі ўсе жыццёвыя этапы: ішлі ў першы клас, з году ў год вучылі вершы, рашалі прыклады, падарожнічалі па морах і акіянах і г.д., і сёння яны зноў са сваімі дзецьмі, і для іх гэты званок таксама апошні.
Вясна.
Мамы плачуць у старонцы,
Таты ўсміхаюцца.
Не зразумеюць – клопаты з вамі скончыліся,
Ці толькі пачынаюцца?
Званок. Давайце паслухаем, аб чым жа думаюць бацькі, бачачы сваіх дзяцей на парозе, за якім пачынаецца для іх дарослае жыццё.
Слова прадстаўляецца бацькам.
Вясна:
Першы голас, які я чула на свеце,
Быў голасам маці.
Калыханку нада мной на дасвецці
Спявала мне маці.
Званок:
Гэта першая песня
І першае слова
Зямлі маёй вясенняй,
Гэта ціхая ласка і міру ахова
Дзякуй, маці, за песню!
Вясна:
Запаветныя родныя фарбы і гукі –
Усё застаецца.
Дзякуй, мама, за рукі,
Бясстомныя рукі,
За адданае сэрца!
(Песня).
Званок. Я бачу тут, на ўрачыстай лінейцы шмат гасцей. Думаю, што яны таксама хочуць звярнуцца да вас, выпускнікі.
Слова прадстаўляецца: …
Вясна. А я звярнула ўвагу на самых маленькіх вучняў гэтай школы, для іх я – першая школьная вясна. Нездарма яны стаяць наперадзе ўсіх, хвалююцца, напэўна, таксама хочуць звярнуцца да выпускнікоў. Паслухаем іх?
Званок. Слухайце – у мяне прапанова! Мы ўвесь час звяртаемся да выпускнікоў, а я ўпэўнены: у іх таксама ёсць нешта, чым яны хацелі б з намі падзяліцца.
Давайце паслухаем. Вы не супраць? Адзінаццаты клас – вам слова.
(Песня).
Вясна. Слухай, дружа, а ці не пара табе брацца за работу? Гаворым, гаворым, а трэба ўжо абвяшчаць аб пачатку апошняга ўрока.
Званок. Сапраўды загаварыўся я з вамі. Дзякую за напамінак, шаноўная Вясна.
Увага, увага! Увага, выпускнікі!
Запомніце гэты дзень!
Запомніце гэты час,
Вельмі святочны для вас!
Гучыць апошні званок! Даюць яго вучань 11 класа … і вучаніца падрыхтоўчага класа ………………..
Вясна. А зараз я запрашаю ўсіх на апошні школьны ўрок. Выпускнікі, ў добры час!
Выкарыстаны сцэнар Апошні званок
Сцэнар апошняга званка - Апошні званок
