Цэтлікі блога для настаўнікаў

Рэклама

Дадайце наш блог у свае сацыяльныя сеткі

Папулярныя паведамлення

среда

Масленка - сцэнар свята масленіца


Масленка - сцэнар свята масленіца
(Гледачы сядзяць за сталамі ў пакоі)



1 вядучы: Восьмы дзень перад Вялікаднём называўся масленкай. Пачыналіся Запускі, якія заканчвалі калядны мясаед. Свята масленкі, поўная жартаў, забаў, асаблівага вяселля і гуллівасці. Рабілі і запальвалі кола, спальвалі выяву холаду-ляльку-зіму, пачыналі вадзіць першыя вясновыя карагоды, спявалі масленковыя песні. Вось адна з іх:
-          А ў нас сёння Масленка, Масленка,
А з-пад куста ластаўка, ластаўка.
Села ў пана на таку, на таку,
А пан кажа “Засяку, засяку”.
-          Не сячы мяне, паночак, не сячы,
Буду табе служыці, служыці,
Тваіх дзетак карміці, карміці.
2 вядучы: На Беларусі святкаванне Масленкі пачыналася непасрэдна ў чацвер, бяседныя застоллі – у пятніцу, а развітальныя, прабачальныя бяседы – у нядзелю.вось як прахадзіла прабачальная бяседа. (Інсцэніроўка).
… Апасля вячэры гаспадар садзіўся на кут. Да яго па чарзе падыходзілі людзі і, кланяючыся да зямлі, гаварылі: ”Прабач, бацька родны, можа калі-небудзь саграшыў прад табою справаю ці ўчынкам!” Пасля таго, як усе родныя канчалі з абрадам “прабачэння”, гаспадар сыходзіў са “свайго месца” і ў сваю чаргу, кланяючыся да зямлі ўсяму свайму сямейству, просячы таксама даравання за свае грахі.
1 вядучы: На масленкавым тыдні збіраліся жанчыны ўсёй вёскі, бралі пояс ці папругу і прывязвалі да аднаго канца яго невялікі, але тоўсты абрубак дрэва, а другі канец пояса прывязвалі да нагі халастога хлопца, які ім сустракаўся, як бы ў пакаранне за тое, што ён не ажаніўся за мінулы мясаед. Калі хлопец не пажадае насіць за сабой гэты цяжар увесь дзень, ён павінны адкупіцца і даць жанчынам на пернікі некалькі манет.
2 вядучы: Тое ж рабілі і з дзяўчатамі, калі яны не выйшлі замуж у мясаед, хоць гэта адбывалася і не па іх віне. Збіраўся гурт хлопцаў. Да драўлянага чурбана прывязвалі вяроўку. Адзін з хлопцаў запрагаўся і цягнуў чурбан па вуліцы. Астатнія з жартамі ішлі за ім. Да іх далучалі дзеці і  шумным гуртам суправаджалі калоду. Падышоўшы да хаты, дзе ёсць дарослая дзяўчына, хлопцы прыпыняліся і патрабавалі выкуп за “калоду”. Дзяўчына выходзіла на двор, запрашала хлопцаў у хату і там іх частавала. Іншым разам хлопцы загароджвалі “калодкаю” выхад з хаты, і гаспадары павінны былі прапанаваць ім пачастунак. У такім парадку яны абыходзілі ўсё сяло. Не прыпыніцца з “калодкай” каля хаты, дзе ёсць сталая дзяўчына, лічылася вялікай крыўдай для яе.
1 вядучы: Калі ў сяле была дзяўчына, якая перад Масленкай выйшла замуж, то жанчыны вазілі “маладую”  на санках і спявалі ёй:
-          Маладая ты, Манюшка,
Выйдзі, выйдзі на вулку!
Вазьмі сыра – радзіш сына!
Вынесь мачку – радзіш дачку!
Муж маладой павінны быў частаваць спявачак.
2 вядучы: Існуе жарт, звязаны з панядзелкам пасля  Масленкі. Пачыналі Запускі і забаранялася есці мяса. Дык вось адзін цыган пытаўся ў папа, ці можна есці тое мяса, што застанецца ў зубах пасля Запуска. Поп сказаў: “А які ж гэта грэх, як засадзіў ты яго ў зубы, дык усё роўна, што з’еў”. Вось цыган на другія Запускі ўзяў вялікі кусок сала і засадзіў яго адным канцом у зубы і гэтак пераначаваў. Пасля таго варыў страву з гэтым салам…
1 вядучы: Але Масленка – гэта не толькі карагоды, шэсці, жарты ды забавы. На Масленку выпякалася вялікая колькасць бліноў – сімвала сонца і надыходзячай вясны. Кожны павінен быў частавацца гэтай стравай.
2 вядучы: Блін – старажытная славянская страва, бяруць сваё паходжанне ад часоў язычніцтва, гэтак жа, як і народнае свята – Масленка. Круглы і гарачы блін – сімвал веснавога сонца.
Для бліноў неабходна скаварада невялікіх памераў з тоўстым дном. Яе не мыюць, а наліваюць трошкі алею, насыпаюць буйной солі, праграюць, даюць астыць,  затым старанна праціраюць кавалачкам сухой тканіны.
Перад выпечкай скавараду добра награюць, змазваюць тлушчам. Вялікай драўлянай лыжкай выліваюць на яе такую колькасць цеста, каб яно магло разліцца па ўсёй паверхні. Для гэтага скавараду нахіляюць. Калі блін з аднаго боку падсмажыцца, яго пераварочваюць шырокім нажом, або спецыяльнай лапаткай. Затым блін здымаюць і кладуць у посуд.
2 вядучы: Бліны падаюцца на стол гарачымі з маслам, смятанай, мачанкай. ( у гэты час падаюцца бліны).
-          Частуйцеся, госці дарагія, блінамі з маслам і смятанай.
-          Блін не клін – бруха не распора.
-          Сядзіце, госці, два вечара. Вал бліноў напечана.
(Кожны клас падае журы бліны з рэцэптам)

Масленка - сцэнар свята масленіца

вторник

Сцэнар Новы год: «Навагодняя казка» - Навагодні сцэнар «Навагоднюю казку»


Сцэнар Новы год: «Навагодняя казка»


Навагодні сцэнар «Навагоднюю казку»


Аўтар - Эдуард Угрик


Дзеючыя асобы навагодняй казкі:
Гуня - увасобленая дабрыня
Зайчаня
Вавёрачка
Вожык
Кацяня
Звяркі
Скарпіён - правадыр забіякі
1-й Павук
2-й Павук
Трэці павук
Забіяка і задзіракі
Сава
Сарока-паштальён

А таксама: школьнікі 1, 2, 3-х і 5, 6, 7-х класаў

I.
Ўваходзіць зайчаня
Зайчаня: Прывітанне, хлопцы! Вы ведаеце, хто я?
Дзеці: Зайчык!
Зайчаня: Ну, я так не гуляю! Не паспеў спытаць - ужо адказалі! А раптам я трус? Вось ты, як думаеш: трус я ці не трус?
Дзіця: Трус.
Зайчаня: Ага! А вось і не адгадаў! Які ж я трус? Я - Заяц! А Заяц - звер дзікі!
Песенька Зайца
Я - Заяц! Я вельмі дзікі звер!
Спытай каго заўгодна і правер
А, калі ёсць сумненні, спытаеце ў мяне:
«Хто самы страшны звер у лесе?"
І я адкажу: Я!

Вось так вось! Я - самы страшны звер у лесе! Каго хочаш напалохаў.
У-у-у! (Робіць страшную морду. У гэты час з'яўляецца Вавёрачка.). Ну што, страшна?
Вавёрачка: Ні кропелькі не страшна.
Зайчаня: Ой! (Палохаецца ад нечаканасці) Мама! (Зачыняе глоза і дрыжыць). Хто тут?
Вавёрачка: Я, Вавёрачка.
Зайчаня: А, дык ты дзяўчынка! Вось я цябе цяпер за коску дзёран!
Вавёрачка: Толькі паспрабуй!
Зайчаня: А вось і паспрабую!
Вавёрачка: Паглядзіш, што будзе.
Зайчаня: А што будзе?
Вавёрачка: Вось пабачыш.
Зайчаня: Што я ўбачу? (Адкрывае вочы). А ты ведаеш, хто я такі?
Вавёрачка: Ведаю. Ты - жудасны хвалько.
Зайчаня: А вось і няпраўда! Я самы страшны звер у лесе! (Карчы морду). А-а-а!
Вавёрачка: Трус, што-ці?
Паўза
Зайчаня: Ну, ведаеш, мяне так яшчэ ніхто не абражаў. Я вадзіцца з табой не буду.
Вавёрачка: Я з хвалько і задзіракамі сама не вожусь. І, наогул, я да цётцы Саве іду.
Зайчаня: Калі ласка, сыходзь!
Вавёрачка: А я ўжо прыйшла (стукае ў дупло). Цётухна Сава! Цётухна Сава!

2.
Тыя ж і Сава.

Сава (выглядае): Хто там?
Вавёрачка: Гэта я, Вавёрачка. Мама Вавёрка вам гасцінцаў перадала.
Сава: Дзякуй, дарагая. Я табе таксама падарунак прыгатавала. Я запрасіла цябе на свята аднаго. Ён ужо павінен быць тут. Зараз я вас пазнаёмлю (глядзіць у лорнет). Дзе ж ён?

Далей навагоднія сцэнары для школы:
Сцэнар Новага года "Навагодняя казка"
Сцэнар Новага года "Навукоўцы і піраты"
Сцэнар Новага года "Новы кот"
Сцэнар Новага года "Навагодняя гісторыя"
Сцэнар Новага года "Магія экрана"




Сцэнар Новы год: «Навагодняя казка»


Навагодні сцэнар «Навагоднюю казку»

пятница

“А ў нас сёння Масленіца”


“А ў нас сёння Масленіца”



Вядучы: Добры дзень, дзеці, шаноўныя бацькі. Сёння ў нас свята. Сёння мы з вамі будзем Зіму праводзіць і Вясну сустракаць. Сёння ў нас свята сонца і радасці.
У нас сягодня Масленіца,
Прыляцела ластавіца,
Села-пала на жэрдачку,
Шчабятала вестачку,
Сыры ў масле тапілі,
Сырамі гору набілі.
Увага! Увага! Усім, усім, усім, хто не змерз зусім. Спяшайцеся, спяшайцеся парадаваць увесь свет. Зіма наш шле развітальны прывет.
(гучыць музыка)
Дзеці! Едзе, едзе Дзед Мароз у ледзяной калясцы. Ну а побач з ім Зіма з чарадзейнай казкі.
Дзед Мароз: Добры дзень, сябры даражэнькія! Вялікія і маленькія!
Зіма:
Мы прыйшлі развітацца да Вас.
Адышоў наш зімовы час.
Прывезлі вам масленіцу,
Пачынаем ластавіцу,
Наша Масленіца гадавая,
Яна госцейка дарагая.
Яна пешая не ходзіць.
Усё на коніках раз’язджае.
Ды каб конікі былі вараныя,
Ды каб слугі былі маладыя!
(Выносяць чучала масленіцы)
1 дзіця:
А мы Масленійцу дажыдалі.
У акенца паглядалі.
Гару сырам набівалі,
Зверху маслам палівалі.
2 дзіця:
Ад сыру – гара сыра,
ад масла – гара ясна.
3 дзіця:
Масленіца – бела вутка,
Нясі сыру, масла хутка.
Сыру і масла, каб зіма згасла.
4 дзіця:
Ты ўжо, зімачка, надакучыла,
Снегам-холадам нас замучыла.
Усе ў далоні біце,
Вясну-красну завіце.
Зіма: Бачу, дзеткі, што я вам надакучыла. Але ж я старалася, гурбы снегу намятала, каб вам весела было. Ці ж не хораша вам было зімой? У якія гульні вы зімой гулялі? (адказы дзяцей)
Зіма: Давайце, дзеткі, на развітанне ў гульню з вамі згуляем.
(Гульня “Вясёлы мячык”).
Вядучы: Ну, як Зіма, даспадобы прыйшлася гульня?
Зіма: Так! Але ж, Дзед Мароз, набліжаецца вясна, і нам час адпраўляцца ў царства льдоў і снягоў.
Дзед Мароз: Я думаю, дзеткі, што вы нас доўга не забудзеце. Да пабачэння, да наступнай зімы!
(Гучыць музыка Д.М. і Зіма пакідаюць залу)
Вядучы:
А ўжо масленка канчаецца.
З вамі, дзеткі, развітаецца.
Давайце разам скажам:
-          Бывай, Масленіца!
Благаславі, Божа, зіму замыкаці,
Зіму замыкаці, вясну гукаці.
Давайце, дзеці, вясну гукаць.
(Пяюць песню).
Вядучы:
Шуміць, гудзе, Вясна ідзе!
Шчасце і радасць людзям нясе!
(выходзіць Вясна)
Вясна:  Ну, вось і я прыйшла да вас зноў, дзеці. Чакалі вы мяне з нецярпеннем?
Дзеці: Так!
Вясна: Растане снег, бо сонца ярка свеціць. Ці рады вы мне?
Дзеці: Рады!
1 дзіця:
як вясна прыйшла з гаі,
разбудзіла ручаі.
І паклікала ізноў
Птушак з выраю дамоў.
2 дзіця:
Прыляцелі жаўрукі,
І зязюлі, і шпакі.
Качкі і чэпікі,
А за імі ластаўкі.
Вясна: А зараз я загадаю вам свае загадкі:
1.      З-пад снегу выйшла, расцвіла,
І так, што аж зіма ўцякла. (Пралеска)
2.      То празрысты, то вясёлы,
То халодны, то густы.
Луг яго чакае, поле,
А яшчэ – чакаеш ты.
Пройдзе ён, і каля хаты
Ручаінкі зазвіняць,
Выйдзеш ты, бясконца рады,
Будзеш караблікі пускаць. (Дождж)
(Вершы дзяцей)
Вясна:
Зіме канец, вясне пачатак –
Для нас усіх сягодня свята.
Музыка, грай! У коле вялікім
Няхай паскачуць чаравікі!
(Дзеці выходзяць у карагод на танец. У час танца Баба-Яга выкрадае Вясну)
Вядучы: Дзеці, а дзе ж гэта падзелася Вясна? Напэўна, Баба-Яга яе забрала. Трэба нам усім ісці шукаць яе.
Баба Яга: Вясну шукаеце! А я вам яе не аддам, таму што свята распачалі, а мяне не пазвалі.
Вядучы: Дзеці, я ведаю, як нам забраць Вясну ў Бабы Ягі. Яна вельмі любіць песні. Калі вы праспяваеце для яе, то яна аддасць нас вясну.
1 дзіця:
Грэе сонца, свеціць сонца,
пахнуць кветкі і трава.
Радасць, радасць, гул бясконца.
Скажуць жабы: ква-ква-ква.
2 дзіця:
Птушкі-грайкі вядуць гулі
на бярозавым суку.
Кліча ў полі птах-зязюля
Кліча зычна ку-ку-ку!
3 дзіця:
Шэпчуць дрэвы. Грае рэчка.
Квокчуць куры на дварэ.
Скок і скок на луг авечка,
Брыкне, мэкне: мэ-мэ-мэ!
4 дзіця:
Матылёчак, як вясёлка,
Мігаціць пад гул і шум.
Над мядочкам звоніць пчолка,
Баіць байкі: зум-зум-зум!
5 дзіця:
Як жывыя, гай - шнурочкі
грае, грае ўся зямля.
А хлапчына на лужочку
У свісцёлку – тра-ля-ля!
(Спяваюць песеньку “Міхасёк”)
Баба Яга: (задаволена) Ладна ўжо! Аддам, вярну я вам Вясну. (прыводзіць Вясну)
Вясна: Дзеці, калі я да вас ехала, то бачыла, што мядзведзь пад кустом спіць. Трэба яго пабудзіць і сказаць, што вясна прыйшла.
Вядучы: А навошта яму прачынацца, калі няма чым частавацца? Вось калі пачуе, што пчолы гудуць ды мёд нясуць – адразу прачнецца.
Баба Яга: А я прыдумала, як мядзведзя падмануць. Ператваруся ў пчолку і буду лятаць каля яго, пакуль ён не прачнецца.
(Баба Яга “лятае” вакол Мядзведзя і гудзе. Мядзведзь прачынаецца)
Мядзведзь: Мне здалося, што пчолы ляталі, але ж мёдам не пахне.
Баба Яга: (дражніцца) Мёду захацеў, а яго няма!
Мядзведзь: Дык гэта ты тут гула і пчалой прыкідвалася! Зараз я табе “палятаю” і тады табе не мінуць ліха. (Мядзведзь даганяе Б.Я.)
Вясна: Мядзведзь, на злуй на Б.Я. Мы хацелі цябе пабудзіць і сказаць, што вясна прыйшла. А каб ты не злаваў, мы падорым табе гаршчочак мёду. (Аддае гаршчок мядзведзю)
Вядучы: А дзеці табе песню праспяваюць (песня “Дарагая Беларусь”)
Вядучы: Ну што, дзеці, правялі мы зіму з качэргамі, стрэнем вясну з пірагамі. Запрашаем усіх на бліны, каб бліны ў масла мачалі да масленіцу ўспаміналі.
(Усе ідуць піць гарбату з блінамі).

“А ў нас сёння Масленіца”

воскресенье

“А мой тата лепш за ўсіх”


“А мой тата лепш за ўсіх”



Вядучы: Добры вечар, паважаныя таты і мамы, бабулі і дзядулі, дарагія дзеці! Добры вечар усім, хто прыйшоў да нас на ранішнік, каб павіншаваць нашых дарагіх мужчын з надыходзячым святам – днём Абаронцаў Айчыны. Мы жадаем Вам моцнага здароўя, шчасця, сямейнага дабрабыту. А зараз – слова нашым дзецям.
1 дзіця:
Мы, дзеці сваёй беларускай зямлі,
мы з думкай аб міры і шчасці ўзраслі.
2 дзіця:
Мы хочам зямлю даглядаць, засяваць,
Мы хочам свае гарады будаваць.
3 дзіця:
Мы хочам, каб кожны ў радасці жыў,
Каб кожны дзяцей гадаваў і вучыў.
4 дзіця:
Мы клічам па свеце з’яднацца сяброў,
Каб полымя бойні не ўспыхнула зноў.
(гучыць песня “Лучше папы друга нет”) (дзеці дораць татам падарункі)
Вядучы:  Паважаныя дарослыя! Адкажыце, калі ласка, што бывае прыемней за дружны, вясёлы смех вашых дзяцей? Хіба ж толькі тое адчуванне шчасця і радасці, калі мы смяемся разам з імі. Як вы думаеце, чым у вольны час любяць займацца вашы дзеці? Давайце запытаем у іх саміх. (Гуляць).
А з кім вы любіце гуляць? (Адказы дзяцей).
А з мамамі і татамі любіце гуляць? Калі так, дык давайце пагуляем. Спачатку правядзем невялічкую размінку. Калі я пакажу блакітны флажок – пляскайце ў далоні, зялёны – танцуйце, жоўты – маўчыце, чырвоны – крычыце.
Дарослыя і дзеці, усе разам, калі ласка. (Ідзе гульня).
Вядучы: Малайцы! А цяпер гульня – “Зайчык-скачок”. Спачатку спаборнічаюць хлопчыкі. Неабходна зрабіць па 5 скачкоў з месца, затым таты – па 3. Хто далей усіх праскача, той і пераможца.
(Хлопчыкі разам з татамі спаборнічаюць).
Вядучы: Вось мы і выявілі першых пераможцаў. Я хачу звярнуць вашу ўвагу вось на гэты незвычайны куфэрак. Гэты чароўны куфэрак з сюрпрызам. Ён будзе вандраваць ад аднаго століка да другога, ад адной сям’і да другой, а адкрыць яго і даведацца, што там знаходзіцца, зможа толькі той, хто пераможа. Каб усё было аб’ектыўна, я прапаную выбраць журы, якое будзе нам дапамагаць. (выбіраецца журы) Загадчык дз/сада, выхавацель.
Вядучы: Як дзеці, так і дарослыя любяць адгадваць загадкі.
Спачатку для дзяцей:
1.      Адгадай, сынок, загадку:
што за месцейка за хаткай,
дзе ўвіхаецца бабуля?
Родзяць там гарох, цыбуля,
кроп і морква з году ў год.
Гэта месца…(агарод).
2.      Вы мне адкажыце,
ці бачылі ў жыце,
ці ў полі кветку?
Усміхаецца здалёк,
Гэта кветка…(васілёк).
3.      Груд зямліцы разваліўся,
з-пад ігліцы хто з’явіўся?
Ад дожджыку, ад сонейка
пакрыўся парасонікам…(грыб)
4.      Федзя, Том і Міша Драч
за сялом ганялі мяч.
Пас паслалі – вось і гол,
а гулялі…(у футбол).
5.      У печы нараджаецца,
а ў неба не спяшаецца…(дым).
6.      Спіць зімою да вясны
соладка жыхар лясны.
Сніць не снег і не лёд,
А духмяны, смачны мёд…(мядзведзь)
7.      Усіх нас корміць, сама есці не пытае…(зямля).
8.      Без крылаў, а ляціць, без языка, а гаворыць… (пісьмо).
А цяпер загадкі для дарослых:
1.      Летам я рагатая, восенню хвастатая!
Хоць і горкая зусім, ды патрэбная ўсім. (цыбуля)
2.      Каля плота расце, дакранешся – апячэ. (крапіва)
3.      На тонейкай ножцы стаіць,
Сонейкам на неба глядзіць. (сланечнік)
4.      Маю тонкі, востры нос,
каляровы доўгі хвост,
спрытна я ў руках мільгаю,
носікам свой шлях шукаю. (іголка)
5.      У кожным доме, ёсць на дачы, -
на стале, ці на сцяне.
Яно кожнага з нас бачыць,
А сябе – ніколі, не. (люстэрка)
6.      Мяне з доміка бяруць,
галавой аб сцену труць,
я заўсёды раззлуюся
і адразу запалюся. (запалкі)
7.      Вось загадка невялічка:
Ходзіць брацік і сястрычка.
Яна міргае штораз,
Брат грукоча ў адказ. (маланка і гром)
8.      Языка не мае, а крычыць, гукае.
Хоць і гулкае яно, ды ніколі не відно. (рэха)
9.      Хвалюе водарам, красою,
Але не проста ўзяць рукою,
Галава пахучая, тулава калючае. (ружа)
Вядучы: А цяпер гульня для дзяцей. Называецца яна “Будзь уважлівы”. Хутчэй, дзеці, усе да мяне. Слухайце правіла гульні. Ці ведаеце вы звычкі жывёл, птушак? Уявіце сабе, што зараз вы не дзеткі, а зайчыкі. (Дзеці скачуць, як зайчыкі). Малайцы! А цяпер будзьце ўважлівыя. Я буду называць, каго вам патрэбна паказаць:
-          коні – рухаюцца скокамі (галопам)
-          птушкі – лятаюць,
-          ракі – поўзаюць,
-          буслы – стаяць на адной назе,
-          жабкі – скачуць
Вядучы: Дарагія дзеці, мы ведаем, што вы любіце цукеркі. Хутчэй сядайце на свае месцы, таму што ў наступнай гульні вашы таты і мамы паспрабуюць вас пачаставаць цукеркамі. Зрабіць ім гэта будзе не проста, бо вочы ў іх будуць завязаны хустачкай, а цукеркі павешаны на нітачцы.
Паважаныя дарослыя, вы павінны з завязанымі вачыма зрэзаць цукерку, знайсці яе на падлозе, раскруціць і пакласці ў рот свайму дзіцяці, не развязваючы вачэй. Каб вам дапамагчы, ваш сын, або дачка будуць клікаць вас, седзячы за сталом з месца. (Ідзе гульня).
Вядучы: Ці заўважылі вы, паважаныя дарослыя, якая цікавая мова нашых дзяцей? (З жыцця дзяцей у садку).
А зараз конкурс “Што б гэта значыла?”.
Вы павінны растлумачыць дзіцячыя выразы.
-          павукан – павук і таракан,
-          піджакет – піджак і жакет,
-          падхаліза – падхалім і падліза,
-          валасетка – сетка для валасоў,
-          маркар – мора і якар.
(Слова журы, куфэрак ставіцца на столік самай актыўнай сям’і)
Вядучы: У наступнай гульні будуць удзельнічаць зноў дзеці і дарослыя.
За адну хвілінку вы павінны завязаць як мага больш вузельчыкаў.
(песня)
Вядучы:  А зараз мы праверым, ці па-сапраўдныму дружныя сем’і ў нас у гасцях. Мамы, вы першымі атрымаеце заданне. Раскажыце, калі ласка пра вашу сям’ю. У каго цікавей атрымаецца. (журы ацэньвае конкурс).
Вядучы: Таты, будзьце ўважлівымі, наступнае заданне для вас. Трэба расказаць які-небудзь гумарыстычны кур’ёзны выпадак, які адбыўся з вамі, ці з вашай сям’ёй. (расказы татаў. Слова журы).
Вядучы: А цяпер заданне дзецям. Нам усім цікава ведаць пра вашы хатнія абавязкі: чым займаецеся дома, што робяць тата і мама, і каму вам больш падабаецца дапамагаць: тату ці маме. (дзеці расказваюць, журы ацэньвае расказы дзяцей, вызначае лепшы).
Вядучы: Цяпер мы бачым, якія ў вас дружныя сем’і, і рады гэтаму. Нават захацелася завітаць да вас на шклянку чаю.
Ну і апошні наш конкурс – на лепшую выпечку. Дзеці выносяць хатнія выпечкі і называюць яе назву, і хто згатаваў.
(Журы падводзіць вынікі. Уручае прызы).
Вядучы: А цяпер давайце пачастуемся чаем з выпечкай. Яшчэ раз са святам вас, дарагія мужчыны. (Гучыць музыка, усе частуюцца чаем з выпечкай. Дзеці разам з дарослымі танцуюць і весяляцца).

“А мой тата лепш за ўсіх”

вторник

Шчаслівы выпадак


Шчаслівы выпадак


4 вобласці:
1.      Гісторыя
2.      Фальклор
3.      Прырода
4.      Літаратура

Журы-настаўнікі:
1.      ……………….
2.      ……………….
3.      ………………


1 тур – кожная каманда выбірае вобласць і пытанні (з раза)
2 тур – камандра сапернікаў задае пытанні і вобласць (3 раза)
3 тур – “агульныя веды” за 1 хвіліну задаюцца пытанні.
-          Чырвоны – літаратура
-          Блакітны – прырода
-          Зялёны – фальклор
-          Аранжавы – гісторыя

1.      Прадставіць каманды.
2.      Пазнаёміць з правіламі гульні:
-          4 вобласць (і карткі);
-          гульня праходзіць у 3 туры;
-          гуляюць не толькі каманды (але і клас);
-          прадставіць журы.

ФАЛЬКЛОР.
1.      Закончыць фразеалагізм. Як гром…(з яснага неба).
2.      Па фразеалагізму рускай мовы падабраць адпаведныя з беларускай мовы: Два сапага пара – (абое рабое).
3.      Нашли дурака – (няма дурных).
4.      Растлумачыць фразеалагізм: На шыі сядзець (жыць за кошт другога).
5.      Закончыць фразеалагізм: Гуляй, гуляй… (ды дзела не кідай).
6.      Дзе нянек многа… (там дзіця без носа).
7.      Слова не пірог… (не выкінеш за парог).
8.      Падабраць адпаведныя: Бить баклуши (лынды біць).
9.      Олух царя небесного (асёл маляваны).
10.  Закончыць фразеалагізм: З вялікага грому… (малы дождж).
11.  Хоць кол… (на галаве чашы).
12.  Растлумачыць фразеалагізм: шпільку падпусціць (намякаць на штосці непрыемнае, гаварыць колка).
13.  Растлумачыць фразеалагізм: Белая варона (чалавек, які выдзяляецца паводзінамі ці знешнасцю сярод іншых людзей).
14.  Мядзведзь наступіў… (на вуха).
15.  Скоры поспех… (людзям на смех).
16.  Хто разумны радзіцца… (той заўсёды прыгадзіцца).
17.  Хто смерці не баіцца… (таго і пуля не бярэ).
18.  Растлумачыць фразеалагізм: Віламі па вадзе пісана (невядома яшчэ, ці ажыццявіцца штосьці, пра няпэўнае).
19.  Растлумачыць фразеалагізм: На сёмым небе (бязмерна шчаслівы, вельмі задаволены чымсь).
20.  Дзе кухарак шэсць, там няма чаго есць.

ГІСТОРЫЯ

1.      Які з гарадоў: Брэст, Полацк з’яўляецца старэйшым? (Полацк у 862 г. Повесть временных лет).
2.      Калі ў Лідзе была аб’яўлена Савецкая ўлада? (18 верасня 1956 г.)
3.      Які завод быў першы на месцы электравырабаў? (цвіковы  да 1956 г.)
4.      Як раней называлася абутковая фабрыка? (“Ардаль” выпускала гумовы абутак)
5.      Будова якога прадпрыемства ў Лідзе праводзілася, як Усесаюзная? (ф-ка хім.культ.тавараў, Лакі)
6.      Ад якога слова паявілася назва “Ліда”? (“ляда” – месца расчышчанае ад лесу)
7.      Колькі раней было вуліц у Лідзе і якія? (4, Замкавая, Віленская, Каменская, Крывая)
8.      Беларускі Іван Сусанін, хто ён? (70-ці гадовы селянін Цуба, у вайну паўтарыў подзвіг Івана Сусаніна)
9.      Імя беларускага ваенаначальніка, які меў шэраг перамог над крыжаносцамі ў баях на тэрыторыі вобласці? (Давыд – гарадзенскі стараста)
10.  Колькі абласцей у Беларусі і якія? (Гродзенская, Брэсцкая, Магілёўская, Віцебская, Мінская, Гомельская)
11.  Назавіце горад, у якім цяпер знаходзіцца ваенна-гістарычны музей, а раней у 1812 годзе знаходзілася штаб-кватэра другой арміі пад узначаленнем Багратыёна? (Ваўкавыск)
12.  Якія ўсходне-славянскія плямёны былі продкамі беларускага народа? (дрыгавічы, радзімічы, крывічы)
13.  Які савецкі лётчык накіраваў палаючы самалёт на варожыя эшалоны ў час баёў на тэрыторыі Беларусі ў першыя дні вайны і дзе гэта адбылося? (Гастэла, у раёне Мінскай вобласці в.Радашковічы)
14.  Які меў выгляд першы герб Ліды? (два ключы і леў)
15.  Назавіце прозвішча адважнага рэвалюцыянера, адданага змагара за вызваленне беларускага народа ў 60-я гады 19 стагоддзя? (Кастусь Каліноўскі)
16.  Калі была створана Гродзенская вобласць? (20 верасня 1944 года)
17.  У якім годзе горад Ліда быў узнагароджаны ордэнам “Знак пашаны” (1980г.)

ПРЫРОДА
1.      Якое дрэва самае распаўсюджанае на тэрыторыі Беларусі? (сасна)
2.      Аб ёй гавораць – другі хлеб? (бульба)
3.      Самае вялікае возера ў Беларусі? (Нарач)
4.      Першая па даўжыні рака ў Беларусі? (Днепр)
5.      Цар Белавежкай пушчы? (зубр)
6.      Якіх птушак больш за ўсё на Беларусі? (вераб’ёў)
7.      Якое дрэва карысталася на Беларусі пашанай, чаму? (Ліпа-лапці)
8.      Адкуль пайшла назва Белавежская пушча? (Белая вежа – башня на тэрыторыі пушчы)
9.      Які грызун займае першае месца ў пушным промысле ў Беларусі? (вавёрка)
10.  Самая вышэйшая кропка Гродзенскай вобласці, яе вышыня над узроўнем мора? (каля Навагрудка – гэта Замкавая 325 км над узроўнем мора)
11.  Беларусь багата карыснымі выкапнямі: якія месцы нараджэння руды знойдзены ў Гродзенскай вобласці, у адным з суседніх раёнаў? (Жалезная руда – Шчучанскі раён)
12.  Чаму раней вялікія дарогі з 2-х бакоў абсаджваліся бярозамі? (белыя ствалы ноччу паказвалі дарогу)
13.  Якая вадзяная расліна з’яўляецца добрым замяніцелем бульбы, а назва яе з’яўляецца назвай старажытнай зброі індзейцаў? (стрэлаліст)
14.  Самая знакамітая злакавая культура ў Беларусі? (ячмень)
15.  Якіх жывёл больш за ўсіх у лясах Лідчыны? (ліс – 200, ласей – 70)
16.  Самыя першыя веснавыя грыбы? (страчкі, смарчкі)
17.  З якога дрэва робяць запалкі? (асіна)
18.  Якую расліну партызаны выкарыстоўвалі замест ваты і ёда? (мох балотны, сфагнум)

ЛІТАРАТУРА
1.      Што вы ведаеце пра Валянціна Таўлая? (беларускі паэт, 1-ы рэдактар газеты “Уперад”, жыў у Лідзе)
2.      Які польскі паэт нарадзіўся ў Беларусі? (Адам Міцкевіч)
3.      У беларускай літаратуры ёсць свой Міцкевіч, які яго псеўданім? (Колас)
4.      Як сапраўднае прозвішча Янкі Купалы? (Іван Луцэвіч)
5.      Назавіце першых друкароў на Беларусі? (Ф.Скарына, Сымон Будны)
6.      Сядзіць дзед на дарожцы ўсім чапляе па брошцы? (лапух)
7.      Вядомы грамадскі дзеяч Беларусі 16 стагоддзя, заснавальнік 1-й на сучаснай тэрыторыі СНД славянскай тыпаграфіі? (Ф.Скарына)
8.      Калі выйшла ў свет першая савецкая газета на беларускай мове? Як яна называлася? (1 сакавіка, “Дзянніца”)
9.      Як называецца падручнік па беларускай літаратуры ў 4-м класе? (“Чабарок”)
10.  Які часопіс з’яўляецца пасля дажджу? (“Вясёлка”)
11.  Які беларускі часопіс можна знайсці ў лесе? (“Бярозка”)
12.  Хто напісаў аповесць “Міколка-паравоз”? (М.Лынькоў)
13.  Хто напісаў аповесць “Палескія рабінзоны”? (Янка Маўр – Іван Фёдараў)
14.  Нізавіце помнік старажытнай пісьменнасці і пралетарскі гімн, упершыню перакладзены Я.Купалам на беларускую мову? (“Слава аб палку Ігаравым”, “Інтэрнацыянал”)
15.  У аснову якой паэмы Я.Купала паклаў лягенду аб заснаванне аднаго з беларускіх гарадоў? Які гэта горад? І якая назва паэмы? (Магілёў, “Магіла льва”)

АГУЛЬНЫЯ ВЕДЫ

1.      Які год лічыцца годам заснавання Ліды? (1380г.)
2.      Колькі гадоў знаходзілася Ліда пад уладай панскай Польшчы? (20)
3.      Якіх відаў рыб больш за ўсё ў Беларусі? (карпавых – 28 відаў)
4.      Колькі відаў жывёл уваходзіць у Чырвоную кнігу? (80)
5.      Колькі відаў раслін уваходзіць у Чырвоную кнігу? (85)
6.      Актыўны ўдзельнік абароны Гарадзеншчыны; яму прысвоена званне Героя Савецкага Саюза? (Карбышаў)
7.      У склад якой дзяржавы ўваходзілі нашы землі ў 14 стагоддзі ў гады заснавання Ліды? (Вялікага Княства Літоўскага)
8.      З якой крыніцы мы даведаліся аб першым успаміне аб гарадах Слонім, Ваўкавыск, Навагрудак у 1252 г.? (Іпацьеўскі летапісец)
9.      Назавіце баларускую раку, якая роўна не цячэ? (Вілія – віляе)
10.  Калі адбыўся 1-шы суботнік у Лідзе, які быў прысвечаны расчыстцы чыгуначных пуцей? (15 верасня 1920 года)
11.  Сталіца Беларусі?
12.  Першыя заводы ў Лідзе (піўзавод, Лідсельмаш)
13.  Якая расліна з’яўляецца сыравінай для вырабу тканіны і цвіце толькі поўдня? (лён)
14.  Робяць ці не пералётныя птушкі гнёзды зімой на поўначы? (не)
15.  Куды восенню дзяюцца матылькі? (больш гіне)
16.  Птушка, меншая за вераб’я, гняздо вісіць над вадой? (рэмес)
17.  Якая птушка два разы на год выводзіць птушанят? (дрозд)
18.  Што называюць белам золатам? (бавоўну)
19.  Растуць зімой дрэвы ці не? (не)
20.  Умеюць сланы плаваць ці не? (так)
21.  Куды зайцу лягчэй бегчы: у гару ці з гары? Чаму? (у гару, пярэднія лапы кароткія, а заднія доўгія)
22.  Колькі ног у павука? (8)
23.  Якіх птушак называюць галоўнымі салістамі нашых лясоў? (салаўя)
24.  Птушаняты якой птушкі не ведаюць сваёй маці? (зязюлі)
25.  Колькі крылаў у жука? (4)
26.  Як называюць 2-х метровы ўдар у футболе? (пенальці)
27.  Што стане з пчалой пасля таго, як яна ўжаліць? (загіне)
28.  З кіх варот Пётр 1 выязджаў на вайну? (з адчыненых)


  Шчаслівы выпадак

Цэтлікі блога для настаўнікаў

спампаваць бясплатна (78) школа (68) настаўнік (67) сцэнарыі (63) сцэнары (61) бясплатна (39) распрацоўка свята (29) канспект (16) вершы (15) свята (14) план (11) 1 верасня (10) каляндарна-тэматычнае планаванне (10) дзень ведаў (9) распрацоўкі урокаў (9) урок (9) Першы званок (8) беларуская літаратура (8) апошні званок (7) беларусь (6) выпускны вечар (6) вучань (5) каляндарныя планы (5) сцэнар вечара школы (5) тэматычныя планы (5) школьны сцэнар (5) 8 САКАВІКА (4) новы год (4) ранішнік (4) 14 лютага (3) Дзень Закаханых (3) Дзень настаўніка (3) Навагодні сцэнар (3) вечар адпачынку (3) сцэнар выпускнога балю (3) характарыстыка (3) 11 клас (2) 5 клас (2) 7 клас (2) вячоркі (2) дзень святога Валянціна (2) канспекты (2) масленіца (2) пераробленыя песні (2) фізіка (2) 10 клас (1) 6 клас (1) 8 клас (1) 9 клас (1) Гасцёўня (1) Міжнародны жаночы дзень (1) Шчаслівы выпадак (1) беларуская мова (1) біялогія (1) вечара сустрэчы выпускнікоў (1) восеньскі баль (1) геаграфія (1) дзень маці (1) дзяды (1) залатая восень (1) заняткі гуртка (1) калядкі (1) матэматыка (1) навучальныя класы (1) паседжання (1) песні (1) распрацоўка (1) свята павука (1) інфарматыка (1)